Ээлжит хичээлийн хөтөлбөр-1

Ээлжит хичээлийн хөтөлбөр-1

Сэдэв 1. Алгоритмыг блок схемээр дүрслэх. Шугаман алгоритм

Суралцахуйн зорилт: Үйлдлийн дарааллыг тодорхойлох мэдлэг ойлголтоо гүнзгийрүүлж, шугаман алгоритмыг блок схемээр дүрслэх, тодорхой утгад үр дүнг тооцоолох, үгээр болон блок схемээр дүрсэлсэн шугаман алгоритмыг ойлгох, тайлбарлах. 

Эзэмших мэдлэг, чадвар: 

  • Үйлдлийн дарааллыг тодорхойлох мэдлэг, ойлголтоо гүнзгийрүүлэх; 

  • Шугаман алгоритмыг блок схемээр дүрслэх, тодорхой утгад үр дүнг тооцоолох;

 • Үгээр болон блок схемээр дүрсэлсэн шугаман алгоритмыг ойлгох, унших. 
Түлхүүр үг: Алгоритмыг үгээр дүрслэх, блок схемээр дүрслэх, шугаман алгоритм, эхлэлийн блок, төгсгөлийн блок, оролт, гаралтын блок, явцын блок. 

Судлах цаг: 40 минут

Багшийн бэлтгэх зүйл: Шугаман алгоритмыг дүрслэх блок схемүүдийг харуулсан цахим үзүүлэн, тарааж өгөх материал, үгээр болон блок схемээр илэрхийлсэн жишээ шугаман алгоритмууд, Яст мэлхийн урлан (Turtle art) программ.

Хичээлийн үлгэрчилсэн төлөвлөлт:

Үйл ажиллагаа	Хугацаа (40 мин)	Хүрэх үр дүн
• Алгоритм нь оролтын өгөгдөлд боловсруулалт хийж үр дүн гарган авах үйл ажиллагаа болохыг харуулж, ярилцана.  • Алгоритм дахь оролтын, тооцоолол болон гаралтын өгөгдөл нь хэмжигдэхүүн болохыг жишээгээр харуулж, тайлбарлана (Сурах бичгийн 19 дүгээр хуудас).      a, b талтай тэгш өнцөгтийн талбай олох алгоритмд:  - Оролтын өгөгдөл: a, b  - Гаралтын өгөгдөл: s  - a, b, s нь алгоритм дахь хэмжигдэхүүн болохыг харуулах.	10	• Алгоритм нь оролтын өгөгдөлд боловсруулалт хийж, үр дүн гарган авах үйл ажиллагаа болохыг ойлгох;  • Оролт, боловсруулалт, гаралтад хэмжигдэхүүн ашиглагддаг болохыг ойлгож мэдэх.
• Алгоритм нь нөхцөлөөс хамааран өөр өөр үйлдэл хийхээр дүрслэгдэж болохыг тэдний мэдэх жишээгээр харуулж, тайлбарлана (Сурах бичгийн 20-21 дүгээр хуудас).  - Зам хөндлөн гарах;  - Хоёр тооны ихийг олох;  - Өгсөн тоог эерэг сөрөг эсэхийг тодоройлох зэрэг салаалсан алгоритмыг үгээр болон блок схемээр дүрслэх, тодорхой утгад үр дүнг тооцоолон ярилцах.  • Салаалсан алгоритмыг дүрслэхэд нөхцөл шалгах үйлдлийг ромбоор дүрсэлдэг болохыг таниулна.  • Салаалсан хялбар алгоритмыг дүрслэн, Яст мэлхийн урлан программд тодорхой утгад үр дүнг тооцоолох дадлага ажил хийнэ. A нь хоёр оронтой тоо байг. Тэгвэл:  а. A тоо 0-ээр төгссөн эсэхийг;  б. A тоо k цифрт хуваагдах эсэхийг тодорхойлох алгоритм бичиж, Яст мэлхийн урлан программаар бодуулж шалгаарай. A 10 22  35 50 63 0-оор төгссөн үү? тийм A 10 22  35 50 63 k 3 2  7  4 8 A нь k-д хуваагдах уу?	20	• Алгоритмыг дүрслэхэд хэмжигдэхүүнийг зүй зохистой ашиглах;  • Алгоритмын оролт, тооцоолол, гаралтад хэмжигдэхүүний ашигладаг болохыг ойлгох, хэрэглэх; • Салаалсан алгоритмыг блок схемээр дүрслэх;  • Тооцоолол бүхий салаалсан алгоритмыг Яст мэлхийн урлан программаар дүрслэх, ажиллуулж үр дүнг харах, тайлбарлах;  • Салаалсан алгоритмыг тодорхой жишээн дээр биелүүлж, үр дүнг тооцоолох.тооцоолох.
• Блок схемээр дүрсэлсэн алгоритм өгч, үр дүнг тооцоолуулах, бодлогын өгүүлбэрийг томьёолох дадлага ажил хийнэ.  - Өгөгдсөн a тоог тэгш эсвэл сондгой эсэхийг тодорхойлох;  -5×x−8≥22 тэнцэл бишийн x-ийн өгсөн утгад тэнцэл биш биелж буй эсэхийг тодорхойлох;  - а тоог к цифрээр төгссөн эсэхийг тодорхойлох.	10	Үгээр болон блок схемээр өгсөн алгоритмыг ойлгож, биелүүлэх, үр дүнг тооцох, тайлбарлах.